Aprender a emprender. Formación para o emprendemento cooperativo

Son múltiples as posibilidades e os retos aos que ten que facer fronte calquera grupo de persoas que desexe pór en marcha un proxecto cooperativo. O punto de partida dun proxecto será sempre a idea de negocio e o motor o espírito emprendedor das persoas participantes. Esta predisposición para emprender precisa de coñecementos, habilidades e ferramentas para dar forma ao proxecto.

O programa deste curso ten como enfoque fundamental contribuír á posta en marcha da cooperativa e ao desenvolvemento da xestión económica, comercial, laboral, etc. e orientar ás persoas involucradas na definición estruturada do que van producir, como o van producir e como o van vender.

1. Que é unha empresa? Empresa e empresario/a. A empresa cooperativa

2. Perfil da persoa emprendedora.

3. Aspectos xurídicos e formais. Trámites para a constitución da cooperativa

4. O réxime económico, fiscal e laboral das cooperativas

5. A idea de negocio. Elaboración do plan de empresa cooperativa

6. Que ofrecemos?

7. Como o facemos?

8. Como o vendemos? A mercadotecnia

9. O plan económico e financeiro

10. Os órganos sociais da cooperativa. A participación nas cooperativas

11. A xestión do equipo humano

12. Emprender e innovar. A innovación na empresa cooperativa

13. Recursos, ferramentas e axudas para o emprendemento cooperativo