Muller, medios de comunicación e TIC

Muller, medios de comunicación e TIC

No ámbito escolar empregamos o termo coeducación para designar unha educación baseada na igualdade de oportunidades para ambos os sexos e nas medidas educativas que se precisan para que esta sexa realmente efectiva.
Este curso pretende que o profesorado reflexione sobre o papel que desempeñan os medios de comunicación no sistema educativo. Para iso, traballaremos de xeito teórico e práctico sobre os medios de comunicación desde un enfoque de xénero.
A través destes contidos afondaremos na necesidade de coeducar e de adquirir as estratexias necesarias para conseguir que a coeducación sexa unha realidade nas nosas aulas.
Tema 1. A coeducación e a perspectiva de xénero no ámbito educativo.
Tema 2. Os estereotipos e os roles na educación para a igualdade.
Tema 3. Novas estratexias coeducativas para os centros de ensino.
Tema 4. Cine, televisión, videoxogos, linguaxe e coeducación.
Tema 5. A publicidade sexista; que podemos traballar na aula?
Tema 6. As novas tecnoloxías e a igualdade de xénero.
Tema 7. Recursos web e ferramentas de apoio á coeducación.